Wednesday , June 18 2025

Kolumnista, 1 pa, binoga sa tapat ng peryahan (Ilegal na sugalan binabanatan)

HINDI ambush kundi mala­pitang pinagbabaril sa loob ng kanyang sasakyan ang isang kolumnista at isa niyang kasama, ng sinabing ‘poste’ ng peryahan sa kainitan ng kanilang pag­tatalo, kamakalawa ng gabi, 20 Oktubre, sa Bgy. Cacu­tud, bayan ng Arayat, lala­wigan ng Pampanga.

Sa ulat ni P/Lt. Col. Dale Soliba, hepe ng Arayat Police, sa tangga­pan ni P/Col. Jean Fajar­do, Pampa­nga Provincial Police direc­tor, kinilala ang mga biktimang sina Jupiter Gonzales, 52 anyos, residente sa 61-C Dela Fuente St., Sampa­loc, Maynila, na sinabing naitak­bo pa sa ospital ngunit hindi umabot nang buhay; at isang Christo­pher Tiongson, dead on the spot, matapos barilin sa kaliwang bahagi ng noo.

Si Gonzales, batay sa nakuhang identification cards ay reporter/kolum­nista ng pahayagang Remate at Bagong Toro.

Anang pulisya, kung pagbabatayan ang tama ng bala ni Gonzales, pina­nini­walaang ang bumaril ay nasa loob din ng sasak­yan sa kanyang likuran.

Pinaghahanap at naka­alerto na umano ang suspek na sinasabing ‘poste’ ng peryahan na kinilalang si Armando Maglaya Velasco, alyas Ambet, sinabing taga-San Rafael, Bulacan.

Base sa pagsisiyasat ni P/Cpl. Lawrence Perez, sakay ang dala­wang biktima ng Nissan Almera, may pla­kang AQA-8441, mina­maneho ni Gonzales.

Pagtapat sa peryahan sa Bgy. Cacutud sa naturang bayan, napansin na mainit ang nagtatalo ng sinasabing ‘poste’ ng peryahan na si alyas Ambet, at ng dalawang biktima na ikinagalit ng una kaya pinagbabaril sila ng kalibre .45 baril.

Sa ulat ng ilang taga-media, makikita sa isang closed circuit television (CCTV) camera kung pa­ano binaril sina Gonzales at ang kasama niyang si Tiongson.

Ayon sa National Union of Journalists in the Philip­pines (NUJP), kung mapapa­tunayang pinas­lang si Gonzales dahil sa kanyang trabaho, siya ang magiging ika-14 peryodistang pinatay sa ilalim ng Duterte ad-ministration at ang ika-187 mula noong 1986.

Naniniwala ang Pre­sidential Task Force on Media Security (PTFoMS), may kinala­man sa trabaho ang motibo sa pagpatay kay Gonzales.

Ayon kay PTFoMS exe­cutive director Joel Egco, “binabanatan kasi ni Jupiter ang mga ilegal na sugalan at peryahan sa lugar.”

ni LEONY AREVALO

 

Krystall Herbal Products and FGO Branches

About Leony Arevalo

Check Also

Container van nahulog sa trailer truck Taxi napipi Abad Santos Ave

Tumama sa ilalim ng footbridge
Container van nahulog sa trailer truck taxi nadaganan
Tumaas na aspalto sinisi

MATINDING pinsala ang inabot ng isang taxi matapos madaganan ng container van na nahulog mula …

Fire Smoke

Isang araw bago pasukan
QC SAN FRANCISCO HS NASUNOG

ISANG araw bago ang pagbubukas ng klase, nasunog ang isang eskuwelahan sa Brgy. Bagong Pagasa  …

Fire

Kelot nalapnos, 25 bahay natupok sa Sampaloc

SUGATAN ang isang lalaki sa sumiklab na sunog na ikinatupok ng tahanan ng 25 pamilya …

tricycle

Sa Maynila
3-anyos nene nabundol na, nakaladkad pa ng tricycle

SUGATAN ang isang 3-anyos batang babae matapos mabangga at makaladkad ng isang tricycle sa Brgy. …

Dead Road Accident

Sa Makati
MAG-INA PATAY SA TRUCK VS MOTORSIKLO

HINDI nakaligtas sa kamatayan ang isang ina at kaniyang 15-anyos anak na lalaki matapos mabangga …

Leave a Reply

Your email address will not be published. Required fields are marked *