Friday , February 28 2025

Mayor Asistio pumanaw na

020717 Boy Asistio Jimmy Bagtas
PUMANAW na ang maalamat na alkalde ng Caloocan City na si Mayor Macario “Boy” Asistio Jr., (kanan), kasama niya sa larawan si Jaime “Jimmy” Bagtas (kaliwa), 13 taon niyang naging executive assistant sa kanyang panunungkulan.

PUMANAW na si dating Caloocan City Mayor Macario “Boy” Asistio, 80-anyos, nitong Lunes, dakong 10:55 am, makaraan ang halos isang linggong comatose.

Nitong 1 Pebrero, isinugod sa Metro Antipolo Hospital sa Infanta Highway, ang dating alkalde nang mahilo at sumuka, sinasabing mga sintomas ng mild stroke.

Sinikap i-revive ng mga doktor si Asistio, ngunit na-comatose ang alkalde.

Nitong Sabado, ayon kay Konsehala Aurora “Onet” Henson Jr., anak ni dating Cong. Aurora “Nene” Henson Sr., nakababatang kapatid ni Asistio, bumuti ang kalagayan ng kanyang tiyuhin, dahil nakahihinga na, sa bahagyang tulong ng respirator.

Kahapon ng umaga, nagkagulo ang mga kaanak ng dating mayor, nang matanggap ang ulat na siya ay pumanaw na.

Naging “makulay” ang buhay politika ni Asistio. nagsilbi siyang konsehal noong 1967. Naitalagang mayor nang panahon ni Marcos noong 1980 hanggang 1986. Muling naupo sa puwesto noong 1988 hanggang 1995.

Ayon sa dating executive assistant ni Asistio na si Jaime “Jimmy” Bagtas, “Sa loob ng 13 taon na ako’y nagsilbing executive assistant, nakita ko kung paano kang hinangaan ng iyong comstituents. Hindi matatawaran ang galing mo sa panunungkulan.You have been my confidante, barkada, best friend. It was an honor to have served a person with a genuine heart to serve ike you. You will always be the winner in our hearts. May you rest in peace in the hands of God.”

Naulila ni Asistio ang kanyang mga kinasama sa buhay, kabilang sina Nadia Montenegrom at Veronica Jones, 26 anak, mga kamag-anak at mga kaibigan.

Ang labi ni Asistio ay nakaburol sa Loyola Memorial Chapels sa Commonwealth, Quezon City. Ang petsa ng libing ay hindi pa napag-uusapan ng mga kaanak.

(JUN DAVID)

About Jun David

Check Also

Sa Pampanga P1.7-M shabu nasabat HVI tiklo

Sa Pampanga
P1.7-M shabu nasabat, HVI tiklo

NASABAT ng mga awtoridad ang hindi bababa sa P1.7-milyong halaga ng hinihinalang shabu habang naaresto …

3 kawatan ng motorsiklo timbog sa Bulacan

3 kawatan ng motorsiklo timbog sa Bulacan

NASAKOTE ng mga awtoridad ang tatlong hinihinalang mga magnanakaw ng motorsiklo sa isinagawang follow-up operation …

SMDC National Museum

Preserving Heritage, Inspiring Communities: SMDC’s ₱100M Commitment to Culture and the Arts

25 February 2025 – SM Development Corporation (SMDC) is taking significant steps to support the …

022725 Hataw Frontpage

FPJ Panday Bayanihan, umakyat sa ika-4 na puwesto sa Octa Survey

ni TEDDY BRUL, JR. PATULOY na umaangat sa party-list surveys ang FPJ Panday Bayanihan Partylist …

Anel Diaz Pamilya Ko Party List

Mas mura at mabilis na proseso ng diborsyo, itutulak sa kongreso ng Pamilya Ko Party List

TAHASANG sinabi ng Pamilya Ko Party List na kanilang isusulong sa Kongreso ang mura at …

Leave a Reply

Your email address will not be published. Required fields are marked *