Biktima ni Nina tutulungan ng TESDA

TUTULUNGAN ng Technical Education and Skills Development Authority (TESDA) ang mga biktima ng Bagyong Nina upang muling makabangon sa kanilang masamang karanasan.

Ang mga naging biktima ng bagyo ay isasailalim sa community-based training program at training con production na ilalaan para mu-ling maitayo ang mga kabahayan.

Ayon kay TESDA Director General, Secretary Guiling “Gene” Mamondiong, kasalukuyan nang iniisa-isa ng mga tauhan ng ahensiya ang mga lugar na tinamaan ng Bagyong Nina partikular ang mga probinsiya ng Mindoro, Marinduque, Batangas, Catanduanes, Legaspi, Sorsogon, Albay, Camarines Sur at iba pang lugar sa Southern Tagalog.

Bukod aniya sa scholarship na ipagkakaloob ng TESDA bibigyan din ang mga residente ng community based training program, tuturuan sila ng mga pagkakakitaan base sa matatagpuang materyales sa kanilang paligid habang ang training con production ay karagdagang kaalaman kung paano muling maitatayo ang kanilang mga tahanan.

“Inaasahan natin na sa pamamagitan ng inisyatibo nating ito ay matulungan natin ang ating mga kababayan sa mga naturang lugar na makalimutan ang kanilang masamang karanasan at mas magiging madali din para sa kanila ang pagbangon,” ani Mamondiong.

Nakatakdang magtungo ang grupo ng TESDA sa mga naturang lugar sa pangu-nguna ni Mamondiong, u-pang alamin ang sinapit ng ating mga kababayan at kung ano pa ang maaaring maitulong bukod sa pagbibigay ng scholarship.

Makikipag-ugnayan ang TESDA sa Department of Social Welfare and Development (DSWD) upang mas mapadali ang pagkuha ng mga pangalan ng mga pamil-yang naapektohan ng Bagyong Nina.

Matatandaan, noong pagdiriwang ng Pasko ay nanalasa ang Bagyong Nina sa ilang probinsiya sa Southern Tagalog dahilan upang maging malungkot ang araw na dapat sana ay nagsasaya ang mga kababayan nating naninirahan sa mga nabanggit na lugar.

Kamakailan, naglaan si Mamondiong ng mahigit 100,000 scholarship na i-pagkakaloob sa mga kababayan nating naninirahan sa Bicol Region at ilang lugar sa Kabisayaan na makukuha ng mga benipisyaryo ngayong taon. Nanawagan si Mamondiong sa mga kababayan nating naninirahan sa mga naturang lugar na magtungo sa district at provincial office ng TESDA upang maipalista ang kanilang mga pangalan para mabigyan ng libreng pag-aaral o kaya ay bisitahin ang website www.tesda.gov.ph.

(JUN DAVID)