I don’t want to hurt Bongbong — Digong (Kaya no cabinet position kay Leni)

IPINALIWANAG ni President-elect Rodrigo Duterte kung bakit hindi niya bibig-yan ng cabinet position si Vice President-elect Leni Robredo. Ayon kay Duterte, ayaw niyang masaktan ang damdamin ni Sen. Bongbong Marcos na itinuturing niyang isang kaibigan.

Nilinaw rin niyang walang rason para ilagay si Robredo sa gabinete dahil galing ang kongresista sa kabilang partido noong halalan.

Kabilang sa inihalimbawa ni Duterte sa pagiging malapit niya sa mga Marcoses ay dahil naging cabinet member ang kanyang ama sa panunungkulan ni dating Pangulong Ferdinand Marcos.

Nanalo rin siya sa Ilocos region na itinuturing na Marcos region habang talo sa Bicol region, ang tinaguriang baluwarte ni Robredo sa katatapos lamang na halalan.