Pananaw sa mining magkaiba kami –  Digong (Gibo: ‘Di pa ako tumatanggi)

NILINAW ni dating Defense chief Gilbert “Gibo” Teodoro Jr., hindi pa niya tinanggihan ang alok ni President-elect Rodrigo Duterte para maging pinunong muli ng Department of National Defense (DND).

Ayon kay Teodoro, kanya pang pinag-aaralan ang imbitasyon para hawakan muli ang defense portfolio.

Una rito, mismong si Duterte ang nagsabing tumanggi si Teodoro  para muling mamuno sa Department of National Defense (DND).

“Tumanggi talaga siya. Nakita mo pawis na pawis ang mama noong nagharap kami. Maybe ayaw talaga,” pahayag ni Duterte.

Naniniwala si President-elect Duterte na dahil sa magkaiba ang kanilang pananaw sa mining business kung kaya’t umayaw si Teodoro.

Si Teodoro ang kasalukuyang chairman ng isang mining company. Habang si Duterte ay kontra sa mining industry.