Chief Supt. Dela Rosa, next PNP chief

NALULUGOD si Chief Supt. Ronald Dela Rosa sa pagpili sa kanya ni incoming President Rodrigo Duterte para maging susunod na hepe ng Philippine National Police (PNP).

Sinabi ni Del Rosa, kahit maikonsidera pa lang ay malaking bagay na, kaya lalo siyang nagalak nang mabalitaan ang pagtukoy na siya na talaga ang ipapalit kay PNP Chief Ricardo Marquez.

Bukod kay Dela Rosa, kabilang sa unang ikinokonsidera ni Duterte sina Chief Supt. Ramon Apolinario at Senior Supt. Rene Aspera.

Aminado ang one star PNP general na gusto niya ang istilo ng pamamahala ni Duterte lalo na sa kampanya para masugpo ang krimen.

Si Dela Rosa ay matagal ding nagsilbing chief of police ng Davao City at kasalukuyang executive officer ng PNP-Human Resource and Doctrine Development Programs (PNP-HRDD).

Siya ay miyembro ng PMA Class 1986.