Smartmatic lumabag sa kontrata — Guanzon

SINIMULAN na ang inisyal na imbestigasyon ng Comelec ukol sa ginawang adjustment ng Smartmatic sa server na nakabase sa Parish Pastoral Council for Responsible Voting (PPCRV).

Sa pag-aaral sa kontrata ng Comelec at Smartmatic, nakitang malinaw na may mga nalabag sa patakaran si Smartmatic project manager Marlon Garcia.

Ayon kay Comelec Commissioner Rowena Guanzon, nakasaad sa kontrata na ano mang pagbabagong may kinalaman sa halalan, bilangan at iba pa ay kailangan ikonsulta sa Comelec en banc, bagay na hindi ginawa ng service provider.

Samantala, welcome sa poll body ang hiwalay na imbestigasyon ng Senado para sa nasabing usapin.