Heavy firearms ‘di na papayagan

WALA nang ibibigay na lisensiya ang gobyerno sa mga sibilyan na nais magmay-ari nang matataas na kalibre ng baril.

Ito ang inianunsyo ni President-elect Rodrigo Duterte.

Ayon kay Duterte, sa kanyang administrasyon, tanging short firearms lang ang papayagan niya sa mga sibilyan.

Ngunit ang pagbibigay ng lisensiya ay daraan din sa mahigpit na kondisyon.

Ang mga mayroon nang matataas na kalibre ng baril ay hindi na bibigyan ng ‘permit to carry firearms.’

Paliwanag ng incoming president, hindi maaaring magkaroon ng armory ang mga sibilyan.

Aniya, kapag nanakaw ang mga baril, mapupunta lang ito sa mga rebelde.