Relax Lang – PNP Chief (Kandidato, supporters sinabihan)

UMAPELA si PNP chief Director General Ricardo Marquez sa lahat ng mga kandidato at sa kani-kanilang supporters na maging mahinahon, kalmado at respetohin ang ‘rule of law.’

Huwag din daw gumawa ng mga aksiyon na hindi magdudulot nang maganda.

Ito ang panawagan ni Marquez kasunod sa mga report na ilang supporters ng mga kandidato ay nagiging agresibo at marahas.

Tiniyak ni Marquez, hindi sila pagagamit sa ano mang mga political agenda.

Aniya, ang PNP ay non-partisan at apolitical na organisasyon.

Kanya ring pinaalalahanan ang kanyang mga tauhan hinggil dito.

Ayon sa PNP chief, mananagot ang sino mang mga pulis na mahuhuling may pinapanigan na kandidato batay sa PNP Ethical Doctrine.

Sinisiguro ng PNP sa publiko na ginagawa nila ang lahat para pagtibayin ang seguridad at integ-ridad ng national and local elections ngayong araw nang sa gayon maiwasan ang ano mang karahasan.

Gagawin din nila ang lahat para masustina ang peace and order sa bansa.

8 batalyon ng pulis standby sa Crame

WALONG batalyon ng mga pulis ang naka-an-tabay sa Kampo Crame para sa posibleng deployment ngayong araw at sa susunod na mga araw kung kakailanganin ng sitwasyon.

Kahapon ng umaga isinagawa ang ‘accounting of troops’ sa Kampo at nag-alay ng panalangin ang mga pulis na miyembro ng Reactionary Standby Support Force (RSSF).

Una rito, sinabi ni PNP spokesperson, Chief Supt. Wilben Mayor, ang nasabing mga puwersa ng RSSF ay standby force at puwede silang ideploy ano mang oras at araw kung kinakailangan.

Aniya, ang RSSF ang tutugon sa emergency situations.