Urban Poor Groups solid kay Grace Poe

EKSAKTONG 18,000 samahan ng maralitang-lungsod ang nagkaisa upang tiyakin ang tagumpay ni Senadora Grace Poe sa isang malinis na eleksiyon sa May 9.

Idiniin ni Blanda Martinez, tagapangulo ng Urban Poor Unity (UUP), sapagkat ang alyansa ay “lubos na naniniwala na tanging si Poe lamang ang kandidatong pangulo ang tunay na kikilos upang maaksiyonan ang pangangailangan ng mahihirap.”

Sa isang interbyu, idiniin ni Martinez na “si Poe lamang ang kandidato sa pagkapangulo ang tunay at seryosong nakinig sa hinaing ng mga maralitang-lungsod.”

“Si Mam  Grace lang po talaga ang makakatulong sa aming mahihirap lalo sa problema ng pabahay, contractualization, at regular na trabaho na may mataas na suweldo,” patuloy ng pinuno ng BUPC.

Aniya, nangako si Grace Poe na itataas ang pondo sa proyektong pabahay ng pamahalaan upang higit na maraming pamilyang mahihirap ang makikinabang sa pabahay ng gobyerno.

Si Grace Poe rin ang pangulo na siguradong wawakasan ang sistemang contractualization sa pagtatrabaho, sa pamamagitan ng paglikha ng maraming-maraming trabaho, patuloy ni Martinez.

Sa datos ng Philippine Statistics Authorty (PSA), umaabot sa mahigit 35 milyon ang mga manggagawang nagtatrabaho bilang kontraktuwal ngayong 2016.

Ang mga kontraktuwal ay mas mababa kaysa minimum wage ang buwanang tinatanggap at walang benepisyo ang napapakinabangan mula sa pamahalaan.

Ayon kay Martinez, ang pagkakaroon ng regular na trabaho na may mataas na sahod kada buwan upang magkaroon ng disenteng buhay ay malaking isyu para sa sektor ng maralitang lungsod, bukod sa pagkakaroon ng sariling bahay kahit maliit, sapagkat lahat naman ng maralita ay mga manggagawa rin.

Ang BUPC ay binubuo ng 109 organisasyon ng mga maralitang lungsod na nakabase sa malalaking lungsod sa Filipinas.

Tiniyak ni Martinez, ang mga opisyal at kasapian ng BUPC ay titiyakin ang tagumpay ni Senadora Grace Poe sa pangkapangulo, sapagkat tanging siya lamang ang magsasalaba sa buhay ng mahihihrap at manggagawa.