Private armed group leader arestado sa Masbate

NAGA CITY – Kinompirma ng Regional Special Operation Task Force (RSOTG-Masbate), hawak ng isang mayoral candidate ang lider ng isang private armed group (PAG) na nahuli sa bayan ng Balud, Masbate.

Ayon kay Chief Insp. Arthur Gomez, PCR-Chief ng RSOTG, tauhan ni mayoralty candidate Ruel Benisano ang suspek na si Oriel Villaruel.

Taon 2007 aniya nang magretiro si Villaruel sa PNP at pumasok sa nasabing grupo, sa pangangalaga ng nasabing opisyal.

Una rito, nahuli ang suspek sa isinagawang operasyon ng mga awtoridad at narekober ang isang granada, caliber .45 at mga bala ng nasabing baril.

Hinihintay pa ang magiging kasagutan ni Benisano na iniuugnay sa suspek.