DDS masusing iniimbestigahan ng NBI-DoJ

TUMANGGI munang ilahad ng Department of Justice (DoJ) ang development ng imbestigasyon kaugnay ng Davao death squad (DDS) at ang sinasabing partisipasyon dito ni presidential candidate Mayor Rodrigo Duterte.

Una rito, kinompirma ni Acting DoJ Secretary Emmanuel Caparas, kasalukuyang nag-iimbestiga ang National Bureau of Investigation (NBI) death investigation division kung totoong may grupong DDS sa naturang lungsod.

“Yes, it’s in investigation stage,” ani Caparas.

Aniya, noong nakaraang taon hanggang ngayon ay nananatiling palaisipan o “urband legend” ang pagpatay sa hinihinalang mga kriminal sa Davao, na sinasabing ang DDS ang may kagagawan dito.

“Since it reached the DoJ, we take it seriously. It was brought to the DoJ’s attention last year and it remains in the radar. There are agencies looking into the allegations,” dagdag ni Caparas.

Ngunit tumanggi si Caparas na magbigay ng karagdagang impormasyon kaugnay ng nasabing isyu dahil kailangan pa niyang basahin ang report ng NBI.