Mayor Oca landslide win sa latest survey (280,000 votes lamang, buong Oca Team wagi rin)

TULOY-TULOY ang arangkada at pag-angat ni Caloocan City Mayor Oscar “Oca” Malapitan sa pinakahuling survey na isinagawa noong nakalipas na buwan ng Marso.

Sa Inilabas na pinakahuling survey ng Actual and Comprehensive Evaluators (ACE), nakakuha ng 69.2% si Mayor Oca samantala 24.8% lang si Enrico “Recom” Echiverri.

Ganoon din ang inilabas na survey results ng Probe Data Processing & Research Services, na 65.8% sa respondents ang nagsabing si Mayor Oca ang kanilang iboboto kung ngayon na ang eleksiyon, samantala 27% lang ang nakuha ni Recom.

Ibig sabihin umano, 483,000 votes ang makukuha ni Mayor Oca o mahigit 40% (280,000 votes) na inilamang niya laban kay Recom, isang landslide na panalo kung ibabatay sa 700,000 botante ng Caloocan.

Dagsa rin ang lamang ng lahat ng Team Oca: Sa 1st District Congressman, si Dale Gonzalo Along Malapitan ay nakakuha ng 66.3% laban kay Susana “Susan” Punzalan na 18% lang. 

Sa 2nd District Congressman, si Edgar “Egay” Erice, ay 66.3% samantalang si Mary “Mitch” Cajayon – Uy ay nakakuha ng 30%.

Sa 1st District councillors, pinakyaw ng Team Oca ang napiling top 6 ng mga mamamayan na sina Karina Teh, Jay Africa, Dean Asistio, PJ Malonzo, Onet Henson at Alou Nubla, ayon sa pagkakasunod.

Sa 2nd District, straight Team Oca din ang lumabas sa councilors survey: Carol Cunanan, Tino Bagus, L.A. Asistio, Rose Mercado, Jerrboy Mauricio at Obet Samson ayon sa pagkakasunod.