Power supply sa Luzon nasa red alert status

INIAKYAT sa red alert ang status ng power supply sa Luzon Grid nitong Biyernes ng hapon.

Dahil dito, ilang lugar sa bansa ang nakaranas ng black out.

Damay rin sa mababang reserba ng koryente ang Visayas at Mindanao na dating binibigyan nang sobrang supply mula sa Luzon.

Ayon sa Meralco, isinailalim sa emergency shutdown ang Kalayaan units 3 at 4, habang maintenance ang Pagbilao 1, down din ang Malaya 1, Magat 3 at 4, gayondin ang Botocon 2, habang ang Calaca 1 at 2 ay nasa limited capacity lamang.

Kasama sa maaaring maapektohan ng rotating brownout ang Cavite, Laguna, Quezon, Rizal at ilang parte ng Metro Manila na kinabibilangan ng Caloocan at Quezon City.

Habang mawawalan din ng koryente ang mga bayan ng Castillejos, San Marcelino, Subic, Cabangan, San Antonio, San Felipe at San Narciso sa Zambales.