$81-M ‘di na-freeze walang court order (Ayon sa RCBC)

HINDI agad nakagalaw ang Rizal Commercial Banking Corporation (RCBC) na i-freeze ang mga account na sangkot $81 milyon mula sa Bank of Bangladesh.

Ito ang paliwanag ni RCBC Legal and Regulatory Group head Atty. Macel Estavillo sa ikalimang pagdinig ng Senate Blue Ribbon Committee.

Sa pagtatanong ni Senate Blue Ribbon Committee Chair TG Guingona, sinabi niyang dapat ay agad pinigil o pina-freeze ang mga account.

Ngunit nilinaw ni Estavillo, una silang nakatanggap ng mensahe sa Bank of Bangladesh noong Pebrero 9 at 10 at hindi nila ito gaanong pinansin dahil sa pag-aakalang hindi urgent ang nasabing mensahe.

Sa paglilinaw din niya, dapat ay may court order para sila magsagawa ng pag-freeze ng nasabing bank account.