Japan envoy nakayukong nag-sorry sa war victims

MULING ipinaabot ni Japanese Ambassador to the Philippines Kazuhide Ishikawa ang paghingi ng paumanhin sa karahasang nagawa sa mga Filipino noong Ikalawang Digmaang Pandaigdig.

Sa paggunita ng Araw ng Kagitingan sa Bataan kahapon, nakayukong sinabi ni Amb. Ishikawa, buong pagpapakumbaba at taos sa puso ang kanilang paghingi ng paumanhin sa ano mang sakit na naidulot ng kanilang pagsakop sa Filipinas.

Ayon kay Ishikawa, nagsilbing leksiyon sa Japan ang karanasan sa World War II kaya tuluyan na silang naging demokratiko at tinalikuran ang giyera bilang paraan ng pagsusulong ng kanilang interes.

Kasabay nito, muling tiniyak ni Ishikawa na magpapatuloy ang pagtulong sa Filipinas bilang paraan ng pagbawi sa mga kasalanan sa nakaraan.

Patuloy rin aniya ang kooperasyon ng Japan sa Filipinas at Estados Unidos para mapanatili ang katatagan, seguridad at pag-unlad ng rehiyon.

“I express our heartfelt apologies and deep sense of remorse for those who suffered during those fateful days, please allow me to bow my head once again with profound grief and sincere condolences before the souls of all who perished here (Bataan),” ani Ishikawa.