P.022/kWh dagdag singil ng Meralco ngayong Abril

MAGTATAAS ng singil sa koryente ang Meralco ngayong Abril.

Karagdagang P0.22 bawat kilowatt-hour (kWh)ang babayaran ng mga konsumer na mataas kompara sa binayaran nila noong nakaraang buwan ng Marso.

Sa mga bahay na karaniwang kumukonsumo ng 200 kWh ay karagdagang P44.48 ang babayaran nila ngayong buwan.

Sinabi ni Meralco spokesperson Joe Zaldarriaga, mas tumaas ang generation charge kaya magtataaas sila ng singil.

Bagamat tataas ay sinabi  ng Meralco, ang P8.86 per kWh na rate ngayong buwan ay mas mura ng P1.82 per kWh mula sa P10.68 per kWh noong nakaraang taon.

Binigyang diin ni Zaldarriaga, bunsod din ito nang pagtaas ng demand ng mga konsumer na mas gumagamit ngayon ng aircon dahil sa mainit na panahon. 

Ipinahiwatig din ng tagapagsalita ng Meralco, maaari pang tumaas ang demand sa susunod na buwan sa pagpapatuloy ng summer.