Pekeng survey ni Duterte

DESPERADO na talaga si Davao City Mayor Rodrigo Duterte kaya kahit pamemeke ng survey ay ginagawa na rin ng kanilang kampo maipakita lang sa publiko na nagunguna na sila sa pre-sidential race.

Itinanggi ni Ronald Holmes, pangulo ng Pulse Asia Research Inc, ang kumakalat na survey na pinagungunahan ni Duterte.

Sinabi mismo ni Holmes na wala silang ginagawang survey mula Marso 21 hanggang 25, at ang kumakalat na survey ay malinaw na peke.

Malinaw na ang ganitong desperadong hakbang ng kampo ni Duterte ay para ikondisyon  ang isipan ng publiko. Nais nilang ipakita na naungusan na ni Duterte ang kanyang kalaban,  at siya na ang siguradong mananalo sa darating na halalan.

Malinaw din na isang uri ng black propaganda ang ginagawa ng kampo ni Duterte.

Kailangan maging mapanuri ang publiko habang papalapit ang nakatakdang halalan sa Mayo 9.  Sa mga susunod na pagkakataon, muling susubok ang mga taong ito para linlangin ang taumbayan, at alam nating mabibigo lamang sila.