Independent probe sa Kidapawan carnage – PNP (Walang tiwala sa PNP, CHR)

BINATIKOS ng militanten grupong Kilusang Magbubukid ng Pilipinas (KMP) kahapon ang anila’y napipintong cover-up sa madugong dispersal sa kilos-protesta ng mga manggagawa na humihingi ng pagkain mula sa gobyernong Aquino sa gitna ng epekto ng tagtuyot, at nanawagan ng independent investigation.

Inihayag ito ng KMP kasunod ng mga ulat na sa briefing kina Interior and Local Government Secretary Mel Senen Sarmiento at PNP Chief Director General Marquez sa Kidapawan City, sinabi ni PNP spokesman Chief Supt. Wilben Mayor, isa sa  namatay na mga raliyista ay positibo sa paraffin test.

Ayon pa sa ulat, sinabi ni Alcala, ang protesta ng mga magsasaka ay may motibong politikal at ang pasimuno ng karahasan ay ang makakaliwang grupo na sinusuportahan ng New People’s Army (NPA).

“The Aquino government’s lies and deception machinery are all geared towards covering up the truth behind last Friday’s bloody dispersal of farmers demanding food aid from the government,” pahayag ni KMP chair Rafael Mariano.

“Farmers do not trust the PNP or any other government investigating body to probe the Kidapawan carnage. Not even the Commission on Human Rights,” pahayag pa ni Mariano ipinuntong natuto na ng leksiyon ang mga magsasaka mula sa naganap na masaker sa Mendiola at Hacienda Luisita.

Aniya, hanggang ngayon, wala pang naituturong responsable sa  Cojuangco-Aquino-patented massacres. Kailangan aniya ng independent probe, ipinuntong ang independent investigating body ay maaaring kabilangan ng prominenteng civil libertarians, Church people, at academecians.

Nagpahayag ng pagdududa si Mariano na maging ang CHR, na ayon sa KMP ay naka-focus lamang sa human rights aspect at tahimik sa karapatan ng mga magsasaka sa pagkain, ay patungo sa direksiyon ng pag-absuwelto sa mga may pananagutan na katulad nina Governor Emmylou Taliño-Mendoza, Kidapawan Mayor Evangelista, Col. Alexander Tagum ng North Cotabato – PNP, ang 39thInfantry Battalion.”

Muli ring iginiit ng KMP ang agarang pagbaklas sa mga elemento ng militar at pulisya sa harap ng United Methodist Church compound, at pagpapalaya sa ikinulong na mga raliyista, at sa pamamahagi ng pagkain sa magsasaka.

“The undeclared martial law in Kidapawan must be stopped. This madness must be stopped,” pahayag ni Mariano said idinagdag na, “Aquino’s failure to stop this madness is tantamount to a green light to Taliño-Santos, the military and the police to perpetuate the escalating human rights violations in the Kidapawan.”