Blackout-free election drill isinagawa

NAGSAGAWA ng table-top blackout drill ang National Grid Corporation of the Philippines (NGCP) at energy stakeholders upang matiyak na may maayos na serbisyo ng koryente sa araw ng halalan sa Mayo 9, 2016.

Sa naturang event, dumalo ang mga opisyal ng GCPs System Operations group, Department of Energy (DoE), TransCo, Distribution Management Committee (DMC), NPC at key power generation companies.

Dahil dito, sinabi ng NGCP na magkakaroon nang maagang assessment, evaluation at update sa sitwasyon ng reserbang supply ng enerhiya ang key players sa energy industry.

Ang ganitong pulong ay nagpapalakas din aniya sa coordination efforts at implimentasyon ng operational guidelines sa panahon ng blackout at iba pang maaaring maging problema.