Comelec ‘Knockout’ sa Pacman fight

IPINASYA ng Comelec na huwag nang pakialaman ang magiging laban ni Filipino boxing superstar Manny Pacquiao kay Timothy Bradley sa Abril 9 (Abril 10 sa Filipinas), na magaganap sa MGM Grand, Las Vegas, Nevada.

Ito’y kahit kandidato si Pacman sa pagka-senador at may mga umiiral na patakaran ukol sa airtime limits ng bawat kalahok sa halalan.

Ayon kay Comelec Chairman Andres Bautista, walang malinaw na kapangyarihan ang Comelec na sumasakop sa sitwasyon ni Pacquiao dahil unang pagkakataon ito na may kandidato sa national political race na isang world boxing icon.

Sa kabila nang inilabas na resolusyon, nakahanda ang poll body na tumugon kung uutusan sila ng korte na kumilos hinggil sa nasabing isyu.