3 bangkay natagpuan sa GenSan

GENERAL SANTOS CITY – Halos magkakasunod lamang nang matagpuan ang bangkay ng tatlong lalaki sa magkakaibang lugar sa lungsod kahapon ng umaga.

Ang una ay natagpuan sa Diversion Rd., Brgy Apopong. Ang bangkay ay may tama ng bala ng baril sa ulo.

Ang ikalawang bangkay ay natagpuan sa Prk-13, Brgy. Fatima, pinaniniwalaang ang sugat sa mukha ay natusok ng kahoy dahil sa vehicular accident na kanyang ikinamatay.

Habang ang pangatlong bangkay ay natagpuan sa MSU-Corner 39.2 Village, Brgy. Fatima at may isa ring tama ng bala ng baril sa ulo.

Nabatid na natagpuan ang mga bangkay kasabay nang isinagawang “One time big time” operation ng General Santos City Police Office na ipinatupad ang 43-search warrants sa iba’t-ibang lugar ng GenSan.

Sa 65 target persons sa search warrants, 25 lamang ang naaresto ng mga awtoridad.