P30 flagdown rate ng taxi permanente na – LTFRB

PERMANENTE na sa P30 ang flagdown rate sa mga taxi sa buong Filipinas.

Ito ang inianunsiyo kahapon ni LTFRB Chairman Winston Ginez, kasunod ng serye ng oil price rollback mula noong  nakaraang mga buwan.

Ito ay dahil kahit sinasabing dapat magkaroon ng automatic minus P10, ilang driver ang hindi tumatalima sa kautusan.

Bunsod nito, kailangang i-reconfigure ang mga metered taxi para baguhin ang automatic na P40 flagdown na naka-program sa mga metro.

Bukod dito, ang P3.50 dagdag na bayad ay para na sa succeeding 500 meters mula sa dating kada 300 meters.

Magiging epektibo ang bagong taxi rate sa Marso 19, 2016.