Massive public campaign vs poll fraud ilulunsad (Pangako ng Comelec)

AMINADO ang Commission on Elections (Comelec) na kulang pa ang kanilang pagsisikap upang mapanatag ang damdamin ng mga botante kaugnay sa pangamba na mangyayari pa rin ang malawakang dayaan sa darating na 2016 elections.

Kasagutan ito ni Comelec Chairman Andres Bautista makaraan ang inilabas na resulta ng isang survey, nakasaad na 39 porsiyento ng mga botante ang nagsasabi na hindi pa rin mawawala ang election fraud sa bansa.

Sinabi ni Bautista, magsisikap pa sila na maihatid ang pagiging transparent ng ahensiya upang maalis ang agam-agam ng taong-bayan.

Sinabi ni Bautista, puspusan ang kanilang gagawing pag-iikot sa iba’t ibang bahagi ng bansa para bigyang paliwanag ang mga botante sa sistema ng halalan na gagamitin sa May 9 polls.

Gayonman, iginagalang ng opisyal ang opinyon ng ilang mga botante at mga grupo na naglalayong makamtan ang iwas-dayaan na pang-panguluhang halalan.