Dalagita sex slave ng ama

ARESTADO ang isang lalaki makaraan ireklamo ng panggagahasa sa anak niyang 14-anyos dalagita sa kanilang bahay sa Malolos, Bulacan.

Kinilala ang suspek na si Jesseco Pingol Patino alyas Jess, walang trabaho, 45-anyos, residente ng Grande Royale, Brgy. Bulihan sa naturang lungsod.

Napag-alaman, nabisto ng ina ang panggagahasa sa anak kamakalawa ng madaling araw nang hindi pa tumatabi sa pagtulog ang mister kasunod ang matinding pagdududa nang mapansing naka-lock ang pintuan ng kuwarto ng biktima.

Nang katukin ng ginang ang pinto ay mister pa ang nagbukas nito hanggang mapansin niya ang anak sa loob na humahagulgol ng iyak at takot na takot.

Nang komprontahin ang anak, umamin ang dalagita na ginahasa siya ng ama. Humantong ito sa mainitang pagtatalo ng mag-asawa hanggang sa mabulgar na hindi lang ito ang unang pagkakataon na naganap ang pangyayari. 

Pagkaraan, agad inireklamo ng ginang ang mister sa himpilan ng pulisya na nagresulta sa pagkakadakip sa suspek.