Babaeng pintor naghubad sa harap ng hubad na obra

INARESTO ang isang babae sa kasong ‘indecent exposure’ makaraang humiga nang hubo’t hubad sa harapan ng hubad ding obra maestro ng prostitute na si Olympia na ipininta ni Edouard Manet sa Musee d’Orsay sa Paris, France.

Masayang pinagmamasdan ng mga museum-goer ang exhibition na may titulong ‘Splendour and Misery: Images of Prostitution 1850-1910’ nang bigla na lamang naghubad ng kanyang damit si Luxembourg artist Deborah de Robertis para mag-pose sa harapan ng obra ni Manet.

Nakasuot si De Robertis “ng isang portable camera para kunan ng pelikula ang reaksiyon ng publiko. Isang artistic performance ito,” pahayag ng kanyang abogado si Tewfik Bouzenoune.

Hindi ito ang kauna-unahang eskandalo kaugnay ng painting. Ang depiksiyon ng hubad na babaeng nakatanaw sa sa viewer ay lumikha ng uproar nang ito’y ipinakita sa publiko noong 1865.

Makikitang ang nakalarawan ay isang prostitute at tunay na babae, hindi katulad ng mga nimpa at mga religious o historical figure na madalas ipinapakita sa mga obra noong kapanahunan nito.

Ngunit sinabi ng mga awtoridad na ang pagtatanghal ni De Robertis ay bahagyang labis sa katotohanan para sa nais ng Musee d’Orsay.

“Maraming tao na pinagmamasdan iyong painting. Tumugon agad iyong mga security guard, isinara nila ang silid at hiniling na magbihis siya ng kanyang damit,” sabi ng tagapagsa-lita ng museo sa panayam ng media.

“Dahil tumanggi siyang sumu-nod, tinawag ang pulisya para paalisin siya.”

Naghain ng reklamo ang museo laban sa babae para sa indecent exposure.

Kinalap ni Tracy Cabrera