Kelot nasagip sa tangkang suicide sa footbridge

DINALA na sa National Center for Mental Health sa Mandaluyong City ang lalaking nagbigti sa isang footbridge sa Baclaran.

Bandang 9 a.m. nitong Lunes nang makita ng mga street sweeper na nakabigti ang lalaking kinilalang si Randy Aleman, 31, taga-Samar.

Nailigtas si Aleman bagama’t dumanas ng fracture sa leeg.

Ayon sa mga awtoridad, may diperensiya sa pag-iisip si Aleman kaya dinala nila sa mental hospital.

Samantala, mayroong nakasulat na mga pangalan sa t-shirt ng lalaki at humihingi siya ng patawad sa kanila.