1 sa 3 DQ cases vs Duterte ibinasura ng Comelec

IBINASURA ng Commission on Elections (Comelec) First Division ang isang petisyon para sa diskwalipikasyon ni Davao City Mayor Rodrigo Duterte.

Kinompirma ng dibisyon nitong Lunes na dismiss na ang kasong inihain ni University of the Philippines Diliman University Student Council chair John Paulo delas Nieves.

Ito ay makaraang mabigong sumipot ang kampo ni Delas Nieves sa pagdinig sa Comelec.

Sa kanyang petisyon, sinabi ni Delas Nieves na walang bisa ang paghalili ni Duterte dahil mali ang inihaing certificate of candidacy ng hinalinhinan niyang si Martin Diño.