‘Boy Sagasa’

TAPOS na ang 2015…

Pero hanggang ngayon ay wala pa tayong nakikita ni anino ng LRT 1 Extension project na magdudugtong umano sa Baclaran at sa Bacoor, Cavite.

Sa kanyang campaign sortie noong 2013 sa Cavite, ipinamaglaki ni PNoy na mase-serbisyohan ng nasabing proyekto ang 250,000 pasahero sa pagtatapos ng 2015.

At ipinagmalaki niyang siya ay may pa-labre de honor.

“Turo po ng tatay ko sa ‘kin, pag nagbitaw ako ng salita, mahirap o madali, kaila-ngan mangyari.

“At pag hindi ho nangyari ito, nandiyan ho si  Secretary (Joseph Emilio “Jun”) Abaya na nangangasiwa ng proyektong ito, dalawa na kaming magpapasagasa siguro sa tren.”

Enero 2016 na ngayon…

Walang LRT 1 extension at lalong walang nagpasagasa sa tren…

Ang rason? Hindi pa nagagawa ang riles at tren na sasagasa kay PNoy at kay Abaya.

At ‘yun siguro ang dahilan kung bakit malakas ang loob ni PNoy na maghamon noon na magpapasagasa silang dalawa ni Abaya sa tren…

Alam siguro niyang hindi talaga magagawa ang ipinangako niyang LRT 1 Extension.

‘Yan ang palabra de honor – PNoy version.