Laborer nakoryente sa ginagawang fly-over sa NAIA

ISINUGOD sa pagamutan ang isang pump crate operator makaraan makoryente sa itinatayong flyover ng Ninoy Aquino International Airport (NAIA Project) sa Pasay City kahapon.

Mula sa Villamor Air Base Hospital, inilipat sa San Juan de Dios Hospital ang biktimang si Raffy Ugalino, 27, may asawa, kawani ng DMCI Construction Corporation, at nakatira sa Palar Compound, Makati City, dumanas ng 3rd degree burn sa katawan.

Sa isinumiteng report na natanggap ni Senior Supt. Joel Doria, hepe ng Pasay City Police, naganap ang insidente dakong 9 a.m. sa construction site ng flyover ng NAIA Project sa Circulo Del Mundo, Andrews Avenue, Villamor, Brgy. 183, Zone 20 ng naturang lungsod.

Habang nag-o-operate ng heavy equipment ang biktima, napadikit siya sa kable ng Meralco kaya nakoryente at nawalan ng malay. (JAJA GARCIA)