Camille Prats, iba na ang priorities ngayon

INAMIN ni Camille Prats na nagawa na niya ang gustong gawin niya unang naging asawa.

“Pagdating sa married life, I think I was able to do naman anything that I wanted to do in that periods. Nagawa ko naman lahat ang gusto kong gawin sa aking first husband,” panimula ni Camille nang minsang makausap namin ito.

Sa muling pag-aasawa, sinabi nitong may kaunting pagkakaiba. “Siguro you’re older and wiser, mas nag-iiba na ang priorities mo. Parang mas madali to start a family at this age kasi mas malawak na ang pang-unawa mo,  mas malawak na rin ang mga natutuhan mo unlike before kasi ang tendency medyo compulsive ka at selfish ka pa kasi bilang bata, you always think about yourself eh.  Pero ngayon mula noong nagkaanak, palagi kong iniisip what’s best for my son, for my partner before myself.”

Inamin din nito na dininig ng Diyos ang kanyang mga dasal na muli siyang magkaroon ng asawa. “I did lahat naman po na mayroon ako ngayon.  Lahat ‘yun ay bigay ni God at naniniwala ako roon.  Lahat ng nangyari sa buhay ko, it’s because of God. But VJ (asawa ngayon) entering into my life is not something that I look for, hindi ko siya hinanap, hindi ko trinabaho, kusa siyang dumating sa buhay ko,” paglilinaw pa ni Camille.

Masaya sa nangyayari sa kanyang buhay ngayon si Camille. “Hindi ko inaasahan na ganito ka-aga mangyayari (proposal at kasal). Welcome naman ang pangyayari dahil hindi naman po kami bumabata tapos, we’re both mature entering this relationship. We really wanted it for keeps.”

Napaaga ang engagement nila dahil, “Kasi, he needs to go back to the States, ako naman, ang dami ko pa ring trabaho and things to do. Tapos hindi naman kami ganoon nagmamadali na magpakasal agad. Mas maganda kung malinis muna lahat ‘yan before settling.”

STARNEWS UPLOAD – Alex Datu