Todo-tanggi si Erice

TOTOO bang si Rep. Edgar Erice ay nagbigay ng P1 milyon kay Rizalito David para matuloy ang disqua-lification case ni Sen. Grace Poe sa Sen-ate Electoral Tribunal?

Mabilis na tinugon ito nang hindi ni Erice.

Ayon kay Erice, ang nagpakalat umano ng ganoong balita ay galing sa mga grupong ayaw na matuloy ang tandem nina Interior Sec. Mar Roxas at Poe.

Pero kung susuriing mabuti, mukhang may lohika ang kumalat na balitang Liberal Party (LP) ang may pakana ng paghahain ng kaso sa SET ni David laban kay Poe.

Kung magpapadala kasi sa pressure si Poe, malamang na tanggapin na lamang niya ang alok ng LP na maging running mate ni Roxas.

Pero ang nangyari, sa halip makaramdam ng pressure si Poe sa mga ‘gumigiba’ sa kanya, tahasang ipinahayag na nakahanda siyang harapin ang ano mang kasong isasampa sa kanya lalo na sa usapin ng kanyang citizenship.

Lumalabas tuloy na palpak ang ginagawang atake ng kung sino mang grupo laban kay Poe. 

At sa halip na tumakbong running mate ni Roxas, mukhang hindi na ito mangyayari.

Ang tanong, saan napunta ang pinag-uusapang P1 milyon suhol daw kay David?

E, wala ngang alam si Erice.