Unit buyers ng Torre de Manila ‘di makakukuha ng full refund (Ayon sa HLURB)

WALANG full refund na makukuha ang unit buyers ng Torre De Manila na nais nang umatras.

Matatandaan, ipinatigil ng Korte Suprema ang pagpapatayo ng kinilalang “Pambansang Photobomber” ng Rizal Monument.

Ayon sa Housing and Land Use Regulatory Board (HLURB), 50% na lang nang naibayad nila ang mababawi ng mga may-ari ng unit dahil nakabinbin pa ang usapin sa Korte.

Hindi anila pwedeng gamitin ang “Money Back Guarantee” dahil para lang ito sa mga proyektong hindi natapos.

Sa Nobyembre 2017 pa ang pagkakaalam ng HLURB na turnover ng mga unit ng DMCI Homes sa mga may-ari nito.

Batay sa impormasyon, 901 na sa 983 units ang naibenta.

Samantala, nilinaw ng HLURB na wala pa silang natatanggap na reklamo mula sa mga buyer.