HATAW! D'yaryo ng Bayan hatawtabloid.com
SANA ay magtuloy-tuloy nang muli ang magandang samahan nina Manila Mayor Erap Estrada at Vice President Jojo Binay.
Ito ang dapat mangyari dahil ito lamang ang paraan para mapagwagian nila ang darating na 2016 election na ang pambato ng Liberal Party na si Mar Roxas ang kanilang mabigat na makakalaban.
Mabuti na lamang at nag-isip ang dalawang lider ng oposisyon sa bansa dahil kung nagtuloy-tuloy ang kanilang sigalot, malamang manaig muli ang LP sa darating na 2016.
Magaling kasi ang taktika ng LP ni Roxas dahil pilit nilang pinaghihiwalay ang dalawang lider ng masa at oposisyon dahil nakikita nilang ito lamang ang tanging paraan para magwagi sila sa pampanguluhang halalang darating.
Sa maikling salita, kampanyang diskarte ang gustong gawin ng LP kaysa kampanya ng issues dahil alam nila sigurong negatibo ang kanilang kahahantungan sakaling makipagsabayan sila sa grupong Binay-Erap.
Tiyak na gagawa na naman ng panibagong taktika ang LP kaya’t dapat maging matibay ang oposisyon dahil marami pang panggigipit at panggu-gulo ang gagawin sa kanila ng mga taga-Palasyo at bataan ni Roxas.
Hindi ba Cong. Egay Erice ng Caloocan?
***
Panalong-panalo ang senior citizens sa Muntinlupa sa liderato ni Jaime Fresnedi.
Kasama na kasi ang siyudad ng Muntinlupa sa mga lungsod sa bansa na sobra-sobra ang pagmamahal sa ating mga katandaan.
Sa bagong proyekto ni Mayor Jimmy Fresnedi, libre nang makapapanood ng sine sa SM Munti ang lahat ng senior citizens ng lugar.
Ganyan kagaling at kawagas ang malasakit ni Fresnedi sa kanyang mga katandaan dahil naniniwala siyang ang pagmamahal sa ating mga magulang ay dapat mamirati dahil sila ang nagsumikap para sa kasalukuyang heneras-yon.
Alvin Feliciano
