Monday , March 4 2024

Mahirap kalaban si PNoy!

00 BANAT alvin

Mukhang may ugali si Pangulong Noynoy Aquino na hindi nagpapatalo.

Ito ang kitang-kita sa kanyang inaasal sa nga-yon lalo na’t kaliwa’t kanan na ang upak sa kanya ng iba’t ibang sektor na dati rin niyang nakasama at kakampi noong 2010 election.

Ayaw ni PNoy na nasosopla siya o napapahiya sa madla kaya’t ang palagian niyang ginagawa ay binabalikan niya ang kanyang mga kaibayo maging ito ay sa politika man o sa ibang parte ng kanyang pang-araw-araw na buhay.

Kitang-kita ang ginawa niyang pag-alma sa Korte Suprema at iyan daw ang rason ng Pangulo para amyendahan ang Saligang Batas ng bansa.

Pumalag naman ang IBP o Integrated Bar of the Philippines na may 55,000 miyembrong abogado sa posisyong ito ni PNoy kaya’t umasa tayong lalong ipipilit ng anak ni Tita Cory ang pag-amyenda sa Konstitusyon para mahawakan sa leeg o makontrol ang Kataas-taasang Hukuman.

Sa maikling salita, ang gusto ni PNoy na lahat ng kanyang gustong gawin at sabihin ay aayunan ng lahat kaya’t ito ang lubhang nakatatakot dahil posibleng mapunta tayo sa panahon ng diktatur-ya.

Ayaw nina Ninoy at Cory ang palakad ni Marcos noong dahil diktador daw pero kitang-kita sa kanyang anak na si PNoy kung paano inaaplay sa kasalukuyan.

Kapag kontra nang kontra sa kanyang pamamalakad ay peke kang reformist at kalaban ka na ng estado pero kapag sumasang-ayon ka sa kanyang mga gusto ay good na good kayo.

Nasa demoksrasya ang ‘Pinas dahil ito ang gusto ng tao kaya’t dito dapat sumunod si PNoy dahil ang nasabing Saligang Batas ng bansa ang sinu-nod ng mga nakaraang pangulo na naging magalang sa Konstitusyon na ginawa noong panahon ng kanyang inang si Cory Aquino.

Alvin Feliciano

About Alvin Feliciano

Check Also

Coco Martin Sandaran Park

Sandara at Coco pinag-uusapan proyektong pagsasamahan

MATABILni John Fontanilla NASA bansa ngayon ang KPop artist na si Sandaran Park para sa promotion ng …

JK Labajo

JK Labajo naloka nawawalang underwear ibinebenta online triple pa ang presyo

MA at PAni Rommel Placente SA eksklusibong panayam ng PEP.ph sa singer-actor na si JK  Labajo, naikuwento niya …

Tom Rodriguez

Tom sa pagbabalik-showbiz: I feel buo na uli ako

MA at PAni Rommel Placente MAHIGIT dalawang taon ding namalagi sa America si Tom Rodriquez, na …

Sofia Pablo Eras Tour Taylor Swift

Sofia nabogus sa Eras Tour ni Taylor Swift

BIKTIMA ng bogus ticket seller ang Sparkle artist na si Sofia Pablo para sa Eras Tour ni Taylor Swift sa Singapore. Maaga …

Kelvin Miranda

Kelvin tinuligsa pagnguya ng gum habang nasa stage

I-FLEXni Jun Nardo HUWAG gawing dahilan ni Kelvin Miranda ang pagtago sa kanyang nerbiyos kaya siya ngumunguya …

Leave a Reply

Your email address will not be published. Required fields are marked *