Friday , March 29 2024

Krisis sa koryente, tinulugan na!

00 banat alvin

MUKHANG wala pa rin aksyon ang gobyernong Aquino sa kakaharaping kakulangan ng suplay sa koryente ng bansa sa taong 2015.

Magmula kasi noong napag-usapan at ipahayag ni Energy Sec. Jericho Petilla na kakapusin ang suplay ng koryente sa bansa sa su-sunod na taon ay wala na tayong narinig kahit na konting development sa naturang usapin.

Hindi biro ang kakaharaping kakulangan ng suplay sa koryente ng bansa dahil ekonomiya at kabuhayan ng bawat isang Pilipino ang nakataya rito.

Kapag bumagsak ang ekonomiya ng estado ay karugtong na nito ang gutom ng samba-yanan at iyan ang lubhang nakababahala dahil posibleng magkaroon pa ng mas matinding kaguluhan bunga ng naturang krisis.

Malaki ang posibilidad na magkaroon ng anarkiya sa lansangan dahil kapag dumating ang panahon na walang makain ang tao ay tiyak na kakapit sa patalim na ayaw nating lahat na mangyari.

Aksyon at solusyon ang kailangan ng madla sa krisis na ito dahil ang Luzon ay hindi katulad ng Mindanao na pwede nilang ipagsawalang bahala dahil sangkatutak ang taong maaapektohan ng krisis sa koryente na kasama na sa basic nating pangangailangan.

Gahol na tayo sa panahon para sa konkretong plano at solusyon dahil ilang buwan na lang ba ang nalalabi ay sasapit na ang 2015.

Alam nating lahat na ngayon pa lang ay may krisis na tayo sa koryente kaya’t nananawagan tayo sa gobyernong Aquino na gawin itong prio-ridad.

***

Hindi na biro ang dinaranas na baha sa Obando, Bulacan at iba pang panig ng Valen-zuela City.

Araw-araw na kasi ang pagdurusang inaabot ng nasabing mga lugar dahil sa perhuwisyong dulot ng high tide.

Ang kamalasan ng nasabing mga lugar ay buhat pala sa pondong DAP ang proyektong VOM o Valenzuela-Obando-Meycauayan flood control project kaya natigil ang konstruksyon nito.

Dagliang solusyon ang kailangan ng mga mamamayan rito kaya’t nanawagan tayo sa Pa-ngulong Noynoy Aquino na gawing prioridad ang VOM dahil bagsak na ang kabuhayan sa natu-rang mga lugar.

Alvin Feliciano

About Alvin Feliciano

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Marian Rivera My Guardian Alien

Marian sa alien—parang ang sarap niyang maging kaibigan

RATED Rni Rommel Gonzales NATANONG ang Kapuso Primetime Queen, Marian Rivera kung naniniwala ba siya na totoong …

Donny Pangilinan Belle Mariano DonBelle Cant Buy Me Love

Serye ng DonBelle laging nasa Top 10 sa Netflix

AYON sa lead stars ng top-rating series na Can’t Buy Me Love na sina Donny Pangilinan at Belle Mariano, mas …

Leave a Reply

Your email address will not be published. Required fields are marked *