Monday , April 15 2024

Said na pangarap ni Allan Cayetano

00 banat alvin
MUKHANG walang patutunguhan ang pangarap ni Senador Allan Cayetano na maging pangulo ng bansa.

Ito ang malinaw pa sa sikat ng araw kung pagbabasehan ang pinakahuling survey ng Pulse Asia na isinagawa noong nakaraang Marso na nakakuha lamang ng 4 percent ang asawa ni Aling Lani, ang kasalukuyang mayor ng Taguig.

Malinaw din na inilabas na ni Senador Allan ang kanyang TV ads noong isinagawa ng Pulse Asia ang survey pero nanatili pa rin na nganga o kulelat sa labanang pampanguluhang sa 2016.

Nakikita rin na kahit sa labanan ng bise presidente ay hindi uubra si Cayetano kaya’t mukhang malabong kunin o areglohin nang sinomang malalaking partido o maging ng ilang bigating presidentiables na sasabak sa halalan dalawang taon mula ngayon.

Hindi natin alam kung bakit sablay si Mang Allan sa lahat ng mga survey, ito man ay SWS o Pulse Asia pero malinaw sa atin na talagang pilit lamang ang masang mamboboto sa paghahalal sa kanya.

Sa maikling salita, hindi ganoon ka-appeal si Cayetano sa taong bayan kaya’t dapat nang tumigil sa kanyang ambisyon dahil wala naman patutunguhan.

Mukhang ang pagsisipsip niya kay PNoy sa iba’t ibang isyung kinasasangkutan ay wala rin appeal sa anak ni Tita Cory dahil sa ating pagkakaalam ay hindi siyang gaanong pinapansin ng Malakanyang at lalong hindi raw ang choice ng kasalukuyang pinuno ng estado.

Tiyak na marami pa ang magaganap sa politika sa bansa pero tiyak tayong hindi na kasama sa equation si Mang Allan dahil mukhang hindi na aangat pa sa survey dahil walang magaganap na himala.

***

Dapat nang maging handa ang taong bayan sa epekto ng grabeng kakulangan ng suplay ng koryente sa bansa sa taong 2015.

Mukha kasing hindi prioridad ng kasalukuyang gobyerno ang pagresolba nito gayong ilang buwan na lamang ang nalalabi ay sasapit na ang 2015.

Kakulangan ng gigil ang nakikita nating dahilan sa pagresolba sa napipintong krisis sa koryente at ‘yan ang kataka-taka dahil bilang pinuno ng bansa ay dapat lamang alerto kang lagi sa mga problemang kakaharapin ng bansa lalo na’t ang kakulangan ng suplay sa koryente ay kasing kahulugan na rin ng pagbagsak ng ekonomiya ng estado.

Medyo iba ang nababasa nating dahilan ng usad pagong na pagkilos ng mga awtoridad natin dito dahil may naamoy tayong ang pagde-delay sa kanilang pagkilos ay kahuluga ng malaking pera.

Alvin Feliciano

About Alvin Feliciano

Check Also

Sunshine Dizon Sunny

Sunshine napangatawanan pagiging retokada, Candy agaw-eksena sa Sunny

SHOWBIZ KONEKni Maricris Valdez Nicasio ALIW na aliw kami sa bagong handog na pelikula ng Viva …

Klinton Start

Klinton Start, magiging active ulit sa showbiz pag-graduate ng kolehiyo

ALAM MO NA!ni Nonie Nicasio SA KANYANG pag-aaral muna sa kolehiyo ang naging focus ngayon …

COPA Swim Series Leg 3 RMSC Eric Buhain

COPA Swim Series Leg 3 sa RMSC

TULOY ang pagtuklas sa mga bagong talento sa isasagawang National Capital Region (NCR) One For …

Marilag Festival Sta Maria Laguna

Mula 11-14 Abril 2024
IKA-11 MARILAG FESTIVAL SA STA. MARIA, LAGUNA   INAASAHANG DARAYUHIN

TAMPOK ang iba’t ibang produktong agrikultural at iba pang by-products, sa pagdiriwang ng mga taga-Sta. …

Bulacan Police PNP

P240k ilegal na droga kompiskado; 11 pasaway arestado

INILUNSAD ng pulisya sa Bulacan ang pinaigting na operasyon na nagresulta sa pagkakompiska ng ilegal …

Leave a Reply

Your email address will not be published. Required fields are marked *