Wednesday , May 14 2025

Tuloy si Erap sa 2016?

00 banat alvin
KAPAG si VP Jojo Binay ang inindorso ni PNoy na kanyang pambato sa 2016 presidential election ay tiyak na mapipilitang tumakbo itong si Mayor Erap Estrada ng Maynila na pangulo ng estado.

Tiyak kasing hindi makapapayag itong si Erap na pabayaan na lamang ang grupo ng oposisyon na abandonahin dahil magmimistulang napakatino naman ng ginawang pamamahala ng anak na lalaki ni Tita Cory sa bansa.

Sa totoo lang, alam ng lahat ang mga kapalpakang ginawa ni PNoy sa bansa at hindi rin maiwawaksi sa isipan ng sambayanan kung gaano naging kalagananap ang kurakutan sa estado sa pamamagitan ng lumang PDAP o pork barrel at ang makabagong DAP na malinaw sa sinabi ng Korte Suprema na labag sa Konstitusyon.

Malinaw din na patungo na sa pakikipag-al-yansa itong si Binay sa mga Aquino dahil mukhang lumalabas ay tuloy ang pakikipag-usap at magandang relasyon nito sa mga kapatid ni PNoy.

Lumabas kasing mas choice ng presidential sisters itong si Binay kaysa kay Mar Roxas, na hanggang sa kasalukuyan ay hindi pumapalo sa mga survey na isinasagawa sa bansa.

Maging ang Liberal Party ni PNoy ay nagbago ng desisyon dahil sa halip na si Roxas ang kanilang ibenta ay ang second term ng Pangulo ang kanilang tinututukan.

Sa maikling salita, walang tiwala ang mismong LP kay Roxas dahil si PNoy pa rin ang kanilang 1st choice sa labanan kahit pa suma-bit na rit ito sa DAP.

Marami pang magaganap bago sumapit ang 2016 pero tiyak na malaki ang posibilidad na lumahok dito si Erap dahil mukhang selyado na ang usapang BInay-Aquino na talaga namang magka-alyado magmula noong umpisa pa lamang.

***

Halatang iba na ang tono nitong si Navotas Rep. Toby Tiangco, tagapagsalita ng UNA o ni Binay.

Patungo na kasi sa pagkampi kay PNoy ang kanyang mga pahayag lalo na noong SONA , na kung saan sinabi ni Tiangco na maganda ang mga pahayag na ginawa ng pangulo.

Nagkakaisa ang tono nina Tiangco at Binay at iyan ang dapat basahin ng publiko dahil mukhang done deal na ang pag-eendorso ni PNoy sa kanyang pangalawang pangulo.

ni Alvin Feliciano

About Alvin Feliciano

Check Also

Chuckie Dreyfus Boy Abunda

Chuckie inamin nakaapekto tsismis na bading siya noon

MA at PAni Rommel Placente USAP-USAPAN noon sa mundo ng showbiz na bading ang dating …

Lotlot de Leon Nora Aunor

Lotlot pinasalamatan fans na bumibisita ara-araw sa puntod ni Nora

MA at PAni Rommel Placente ANG mga tagahanga ni Nora Aunor, na mga Noranian, ay araw-araw  pa …

Fyang Smith JM Ibarra Nova Villa Bodjie Pascua Ces Quesada Sylvia Sanchez Picnic Nathan Studios

Nova sa Picnic: a dramatic movie na may lesson sa ating pamilya

RATED Rni Rommel Gonzales NAIRAOS na natin ang pagboto sa eleksiyon ngayong 2025, kaya manood …

Fyang Smith JM Ibarra Nova Villa Bodjie Pascua Ces Quesada Sylvia Sanchez Picnic Nathan Studios

Sylvia trailer pa lang ng Picnic na-magnet na

RATED Rni Rommel Gonzales MAY tila kung anong atraksyon kay Sylvia Sanchez ang Korean movie na Picnic. Trailer …

Rabin Angeles

Rabin Angeles madalas naglalakad patungong Viva

RATED Rni Rommel Gonzales ANG buhay ay parang gulong na umiikot. Kung dati ay nasa …

Leave a Reply

Your email address will not be published. Required fields are marked *