Edukasyon prioridad sa Muntinlupa

Swerte ang mga kabataang taga-Muntinlupa dahil naging prioridad ng kasalukuyang administrasyon ang edukasyon.

Sa hindi nakaaalam, magmula sa elemen-tarya hanggang kolehiyo ay mayroong scholarship program ang rehimeng Fresnedi kaya naman talagang may katiyakang may magandang kinabukasan ang mga kabataan sa naturang siyudad.

May kasabihan nga tayo na ang kabataan ang pag-asa ng bayan kaya naman dito natin nakikita sa lungsod ng Muntinlupa ang kasi-guraduhan na mayroong magandang tinatahak na direksyon ang mga kabataan.

Tama ang ginagawa ni Mayor Jimmy Fresnedi na mamuhunan o mag-invest sa edukasyon dahil isa itong magandang investment lalo na kung pag-uusapan ang kaunlaran ng isang lugar at ng mamamayan nito.

Tiyak na walang lalaking mangmang sa Munti at sigurado rin bibihira ang magiging jobless sa siyudad dahil tamang pag-aalaga ang ginagawa ng kanilang mga lider.

Napag-alaman natin na mayroong mahigit sa 3000 scholars ang Muntinlupa kaya naman talagang nakabibilib ito.

Binibigyan ng pamahalaang lungsod kada buwan ng P300 ang elementary scholars, 400 sa mag-aaral ng high schools at tumataginting na P30,000 sa kanilang college scholars.

Nakabibilib ‘di po ba kaya’t hindi kataka-taka kung nag-produce ang Muntinlupa buhat sa kanilang mga scholars ng tatlong (3) magna cum laude at siyam (9) na cum laude.

Bukod sa scholarship, lalo rin pinalakas ng Munti government ang Muntinlupa Polytechnic College at Pamantasang Lungsod ng Muntinlupa.

Sangkatutak ang proyektong pang-edukas-yon ni Fresnedi katulad ng mga silid aralan sa Tunasan National High School at ang gym ng Muntinlupa National High School.

Tiyak na ang magandang kinabukasan ng mga kabataan ng Muntinlupa kaya’t sana’y marami pa ang Fresnedi na maging lider ng bayan.

Alvin Feliciano