Iba na ang Munti kay Fresnedi

MALAKI na talaga ang ipinagbago ng Muntinlupa sa pamamahala ni Mayor Jimmy Fresnedi dahil sa pagiging tutok sa trabaho nito bilang chief exe-cutive ng siyudad.

Ang pagbabago ay kapansin-pansin dahil kitang-kita ang mga proyektong isinagawa nito magmula sa pagawaing bayan hanggang sa pag-hahanda sa kalamidad.

Maging ang pagpapaigting ng kakayahan ng mga empleyado ng city hall ay pinagtuunan din ng pansin ni Fresnedi kaya’t tiyak na mabibigla kayo sa kakaibang approach ng mga empleyado kapag nagawi sa opisina ng pamahalaang pang-lunsod.

Katunayan sa pag-upo lamang ni Fresnedi noong nakaraang taon itinatag ang City Disaster Risk Reduction Management Office dahil naniniwala ang alkalde na kailangan ng drastikong pagpaplano at pagha-handa kapag dumarating ang kalamidad.

Nakipagkasundo rin ang alkalde kay Dr. Eduardo Morato, isang tanyag na guro sa Asian Institute of Management para turuan ang mga hepe ng iba’t ibang tanggapan ng karagdagang kaalaman kaugnay ng epek-tibo at makataong pagseserbisyo-publiko.

Maging ang scholarship ng mga magaga-ling at matatalinong mag-aaral ay tinututukan din mismo ni Fresnedi kaya’t dinagdagan niya ang pondo para rito upang mas marami ang makinabang.

Grabeng trabaho rin ang ginagawa ngayon ng alkalde dahil siya mismo ang umuupo para pag-aralan ang mga alternatibong ruta upang maiwasan ang malalang trapik kapag dumating na ang panahon ng pasukan.

Umpisa pa lamang iyan ng mga pagawain at proyekto ni Fresnedi kaya’t tiyak na marami pang pagbabagong magaganap sa Munti dahil kakaibang dedikasyon at puso mayroon ang na-sabing alkalde.

Alvin Feliciano