Skyway, Mr.Bond wagi sa 4th leg Juvenile Stakes Race

Naging kapanapanabik ang huling yugto ng Juvenile Fillies at Colts Stakes race na pakarera ng Philippine Racing Commission sa tagpong naganap sa bakuran ng San Lazaro Leisure Park sa Carmona, Cavite noong Linggo.

Muling pinasaya ni Hermie Esguerra ang kanyang mga tagahanga ng magwagi ang kanyang alagang si Mr. Bond matapos biguin ang mga kalaban sa  katatapos na 4th Leg Juvenile Colts Stakes race.

Tumataginting na P.9 milyon ang naiuwi ni Esguerra sa pagwawagi ni Mr.Bond matapos talunin ang paboritong si Matang Tubig ni Manny Santos, na pumangalawa sa laban habang pangatlo ang Young Turk at pang apat ang defending champion ni Cong Jici Lapus na River Mist.

Ang Mr.Bond ay pinatnubayan ni Jockey Jeff Zarate na sadyang nagbigay ng magandang laban sa Colts Division. Nagwagi naman ang Skyway laban sa katunggali nitong si Australian Lady sa tagpo ng 4th Leg Juvenile Fillies Stakes race matapos ang mahigpit na laban sa distansiyang 1,500 meters.

Pumangatlo ang defending champion na Up and Away habang pumangatlo ang Winters Tale.

Tumanggap din ng trophy at P.9 milyon ang Skyway.

Ang mga naturang nagwagi at contender sa Colts  at Fillies division ay maghaharap sa nalalapit na Juvenile Championship sa darating na Disyembre.

Ni andy yabot