Dayuhang manlalaro ipagbabawal na sa UAAP

TULUYAN nang pagbabawalan ng University Athletic Association of the Philippines ang mga dayuhang estudyante na maglaro ng basketball simula sa taong 2015.

Ayon sa pangulo ng University of the Philippines na si Alfredo Pascual, halos lahat ng mga pamantasang kasali sa UAAP ay payag sa panukalang ito.

“The NCAA has already laid down the policy setting 2015, I think, as the start of the no recruitment of foreign players … I think it is but appropriate if we follow suit in the UAAP,” wika ni Pascual.

Ilan sa mga dayuhang manlalaro sa UAAP ngayon ay sina Karim Abdul ng University of Santo Tomas, Emmanuel Mbe ng National University, Charles Mammie ng University of the East at Ingrid Sewa ng Adamson University.

Inaasahang magpupulong ang UAAP board upang pag-usapan pa ang panukalang ito.

Kapag natuloy ang panukala, si Ben Mbala ng La Salle ay magiging huling dayuhan na papayagang maglaro sa liga.

“If we ever do that, we will give a time frame for the execution of the rules. Alam namin na halos lahat have already prepared their programs,” ani NU president Nilo Ocampo.

(James Ty III)