HATAW! D'yaryo ng Bayan hatawtabloid.com
SINABON NI MAYOR SI KERNEL AT MULING PAPLANUHIN ANG PAGLIGPIT KAY MARIO
Saka lang iniwan si Mario ni Delia na ayaw siyang pabayaang mapag-isa.
Maasim na maasim ang mukha ni Kernel Bantog sa pansasabon ni Mayor Rendez. Kulang na lang ay pagmumurahin ito ng galit na alkalde na panay ang dabog sa mesa, nagtatalsikan ang laway sa pag-aalsa boses. Kahit malakas ang buga ng malamig na hangin ng aircon ng pribadong tanggapan ng among pulitiko, ang mga pawis nito sa noo ay ga-munggo.
“Puro kayo palpak!” panduduro ni Mayor Rendez sa mukha ni Kernel Bantog. “Sa nangyari, imbis mawalan ng problema, nadagdagan pa!”
Napayuko ang hepe ng pulisya sa kinauupuan.
“Ano ngayon ang gagawin mo?” bulyaw kay Kernel ng alkalde na parang galit na cobra ang pangahang pisngi.
“Tutuluyan nating kasuhan ng rape-slay, Sir,” naikatwiran ni Kernel Bantog. “Pag nililitis na sa korte ang kaso, palalabasin nating nanlaban… nang-agaw ng baril. Tapos…”
“Masakit na’ng ulo ko, bahala ka na!” putol ng alkalde sa iba pang sasabihin ng hepe ng pulisya.
Parang tangang basta na lang iniwan si Kernel Bantog ng kausap.
Dobleng galit ang ipinakita ni Kernel Bantog aso-asuhang sarhento. (Itutuloy)
Rey Atalia
