Sunday , February 23 2025

Tao ni danding bagong NFA administrator

DATING tauhan ni presidential uncle Eduardo “Danding” Cojuangco, at isang Philippine Military Academy (PMA) graduate ang itinalaga ni Pangulong Benigno Aquino III bilang bagong pinuno ng National Food Authority (NFA).

Si Arthur Juan, graduate ng PMA Class ’68, at dating pangulo ng San Miguel Foods Inc., ni Cojuangco, ay hinirang na kapalit ni Orlan Calayag na nagbitiw bilang NFA administrator noong nakalipas na buwan.

Itinalaga rin ng Pangulo si Romulo Arancon, Jr., bilang administrator at chief executive officer ng Philippine Coconut Authority (PCA), kapalit nang nagbitiw na si Euclides Forbes.

Sina Calayag at Forbes ay parehong nagbitiw sa pwesto makaraan maitalaga si dating Sen. Francis Pangilinan bilang Presidential Assistant for Food Security and Agricultural Modernization.

Alinsunod sa Executive Order 165 na nilagdaan ng Pangulo noong nakaraang Mayo 5, isinailalaim sa kapangyarihan ni Pangilinan ang NFA, PCA, National Irrigation Administration (NIA) at ang Fertilizer and Pesticide Authority (FPA).

Inihayag din kahapon ng Palasyo ang pagkatalaga nina Donna Gordove, Arthur Salazar, at Nonito Tamayo bilang Director III at Leo Van Juguan bilang Director II sa Department of Environment and Natural Resources.

Gayon din sina Ramon Osorio (kinatawan ng broadcast media sector) at Luis Gatmaitan (kinatawan ng Child Development Specialist Sector), bilang mga miyembro ng National Council for Children’s Television sa ilalim ng Department of Education.

Habang si Emerta Garon bilang bagong board member ng  Early Childhood Care and Development Council, na kinatawan ng private sector.

ni ROSE NOVENARIO

About hataw tabloid

Check Also

Bureau of Immigration BI National Bureau of Investigation NBI

BI, NBI hinimok pabilisin deportasyon ng dayuhang POGO ex-workers

HINIMOK ni Senador Win Gatchalian ang Bureau of Immigration (BI) at National Bureau of Investigation …

Lito Lapid Davao

Davao region sinuyod ni Lapid

NAGPAHAYAG ng buong suporta kay Senador Lito Lapid sa kanyang reelection bid ang mga lokal …

Emi Rubiano-Calixto Winston Casio

Mayor Calixto kumasa sa pahayag ni PAOCC spokesperson Casio

KINONDENA, binatikos, at inalmahan ni Pasay City Mayor Emi Rubiano-Calixto ang naging pahayag ni Presidential …

Koko Pimentel Sara Duterte Chiz Escudero

Para kay SP Chiz Escudero
Caucus ng mga senador para sa impeachment complaint vs VP Sara isinusulong ni Koko

INAMIN ni Senate Minority Leader Aquilino “Koko” Pimentel III na nakatakda siyang magpadala ng isa …

Dead body, feet

Sa España Blvd., Maynila
Lalaki natagpuang duguan, patay sa ilalim ng footbridge

WALA nang buhay nang makita ang isang lalaki sa ilalim ng isang footbridge sa kahabaan …

Leave a Reply

Your email address will not be published. Required fields are marked *