MiLi nakabuo ng sandamakmak na fans mula sa PBB

PUSH NA’YAN
ni Ambet Nabus

ANG ganda ng tandem na MiLi nina Michael Sager at Emilio Daez fresh from their eviction sa PBB.

Kapwa gwapo, may kanya-kanyang appeal, magaling magsalita, mga kalog at bungisngis and yes, halata namang nagnanais parehong maging magaling na mga aktor.

Hindi na rin nanghihinayang ang nasa outside world na nandito na sila dahil with what they gained inside Kuya’s house will definitely help them become more successful.

Bilib kami sa humility ni Emilio dahil taliwas sa sinasabi niyang bagito pa lang siya at wala pang fan base, heto at sandamakmak na ang humahanga sa kanya at mga supporter ngayon.

Si Michael naman ay napanood na nating magbida and yes, doon pa lang ay nakitaan na siya ng potensiyal to becoming a big star.

Kaya paging both GMA 7 and ABS-CBN, bakit hindi ninyo bigyan ng show ang dalawa like ‘yung bagong version ng Palibhasa Lalake o talk show na may sports at iba pa dahil sa daldal at talino nila, sulit silang pakinggan at panoorin.