Saturday , October 16 2021
Dr Anthony Fauci, Covid-19 mu variant
Dr Anthony Fauci, Covid-19 mu variant

Local health experts nagbabala sa ‘mu’ variant ng Covid-19

Kinalap ni Tracy Cabrera

MANILA — Sa pagpansin sa madali at dagliang pagpasok ng mga coronavirus variant tulad ng Delta at Alpha sa bansa, nagbabala ang mga lokal na health expert para hilingin sa pamahalaan na bantayang maigi ang isa pang strain ng severe acute respiratory syndrome-coronavirus-2 (SARS-CoV-2) na sanhi ng CoVid-19 at unang nadiskubre sa bansang Colombia. 

Ayon sa World Health Organization (WHO), imino-monitor nila sa ngayon ang bagong coronavirus variant na kung tawagin ay ‘mu’ — B.1.621 sa mga siyentista —at idinagdag sa listahan ng mga ‘variant of interest’ dahil sa preliminary evidence na kaya nitong umiwas sa mga antibody.

Bukod sa WHO, imino-monitor din ang nasabing variant ng Estados Unidos, na matapos unang ma-detect sa Colombia noong Enero (ng taong kasalukuyan) ay bumubuo ngayon ng 39 porsiyento ng lahat ng mga kaso ng CoVid sa naturang bansa sa South America.

Inihayag din ng mga virologist na ang ‘mu’ variant ay mayroong potensiyal na makaiwas sa immunity na ibinibigay ng mga bakuna at antibody at dahil dito, inilista ito ng WHO bilang ‘variant of interest’ nitong nakaraang 30 Agosto.

Gayonman, sinabi ni US top infectious disease expert Dr. Anthony Fauci, na siyang nangunguna sa medical team ni US president Joseph Biden, ang variant ay hindi pangkaraniwan sa North America, ang mas nakahahawang Delta variant ang bumubuo sa 99 porsiyento ng lahat ng kaso ng CoVid-19. 

“(The new variant) has a constellation of mutations that suggests it would evade certain antibodies,” ani Fauci habang wala pang kompletong datos na nagpapatunay sa mga napaulat ukol sa ‘mu’ variant.

Idinagdag ng chief medical adviser ni Biden na ang mga bakuna ay epektibo pa rin sa iba’t ibang mga variant na may magkakahintulad na karakter. “Bottom line (is) we are paying attention to it. We take everything like that seriously, but we don’t consider it an immediate threat right now,” pagtatapos nito. 

About Tracy Cabrera

Check Also

1,000 benepisaryo ng “Cash For Work” tumanggap ng 4k (Sa Parañaque City)

AABOT sa 1,000 displaced workers mula sa iba’t ibang barangay sa District 1 ng Parañaque …

shabu drug arrest

Live-in partners, isa pa timbog sa buy-bust

SWAK sa kulungan ang live-in partners at isa pa sa isinagawang buy bust operation ng …

Ilegal na troso nasamsam sa Bulacan

NAKOMPISKA ng mga awtoridad ang mga ilegal na troso mula sa apat katao sa isinagawang …

9 tulak, 2 pugante deretso sa hoyo (Sa 24-oras police ops sa Bulacan)

SUNOD-SUNOD na pinagdadampot ang siyam na hinihinalang tulak ng ilegal na droga at dalawang pugante …

2 tulak sa Nueva Ecija todas sa buy bust ops (Pumalag, nanlaban)

TUMIMBUWANG ang dalawang hinihinalang tulak ng ilegal na droga nang makipagbarilan sa pulisya sa ikinasang …

Leave a Reply