KathNiel, pinagkaguluhan sa Vietnam

KITANG-KITA sa video na ipinost sa Facebook ang pagkakagulo kina Kathryn Bernardo at Daniel Padilla nang lumapag ito sa airport ng Vietnam.

Nasa Vietnam ang KathNiel para dumalo sa Face of the Year Awards.Nagwagi kasi sila ng Best Foreign Actress at Best Foreign Actor sa performances nila ng natapos na ABS-CBN series na Got to Believe.

Bukod sa pagkakagulo ng fans sa pagdating ng KathNiel sa airport pa lamang, naging trending topic din ang #kathnielfaceoftheyearvietnam  saTwitter.

Pia, tiyak na ang pagdalo sa kasalang Vic at Pauleen

TINIYAK kamakailan ni Binibining Pilipinas chairperson Stella Araneta, na dadalo sa kasalang Vic Sotto at Pauleen Luna si Miss Universe Pia Wurtzbach.

Ani Ms. Araneta, inaprubahan ng Miss Universe organization ang extension ng pananatili ni Wurtzbach sa Pilipinas para maga nito ang ilang mga personal na bagay, kasama na rito ang pagdalo sa naturang kasalan.

Kaya naman ganoon na lamang ang kasiyahan ni Pauleen nang malamang makadadalo ang kaibigan niyang si Pia sa kanilang kasal ni Vic. Isa kasi si Pia sa Bridesmaid ni Pauleen.

“The Miss Universe organization understands her need to be with friends and family,” ani Araneta sa isang interbyu na abala sa preparasyon para sa pagdating ni Pia sa Enero 23.

“It’s gonna be a holiday every day that she’s here. I’m sure even people from the provinces will be coming,” sambit pa ni Araneta.

SHOWBIZ KONEK – Maricris Valdez Nicasio