HATAW! D'yaryo ng Bayan hatawtabloid.com
ARESTADO ng mga tauhan ng Bureau of Immigration (BI) agents sa Ninoy Aquino International Airport (NAIA) ang isang American national na wanted ng Interpol sa South Korea dahil sa pagkakasangkot nito sa kasong telecommunications fraud.
Ayon kay Immigration Commissioner Norman Tansingco kinilala ang nasabing pasahero na si Shin Seung Chul, 62 anyos, naharang sa Terminal 1 bago lumipad papuntang Narita.
Nabatid na mayroon na palang hit si Chul sa Interpol system matapos magpa-inspeksyon sa BI departure counter.
Dito lumabas na pugante si Chul sa South Korea dahilan kaya nai-turnover sa mga tauhan ng BI-NAIA border control and intelligence unit (BCIU) kaya agad dinala sa BI warden facility sa Camp Bagong Diwa
Mananatili si Chul sa nasabing pasilidad habang tumatakbo ang deportation proceedings laban sa kanya.
Bukod sa pagsipa pabalik sa Korea, tiniyak ni Tansingco na mailalagay sa blacklist si Chul para hindi na makabalik ng bansa. (NIÑO ACLAN)
