Nakakakuha ng 1st IM norm at outright FIDE Master title  
INCOMING LA SALLE STUDENT NAKISALO SA IKA-5 PUWESTO SA INDIA CHESS TILT

Panghuling standing: (10 round Swiss System)

8.0 puntos–GM Sayantan Das (India)

7.5 puntos—GM  Diptayan Ghosh(India), IM Sambit Panda (India), IM Saha Neelash (India)

7.0 points—IM Dey Shahil (India), AGM Jethro Dino Cordero Aquino (Philippines), GM R. R Laxman (India), IM Ranindu Dilshan Liyanage (Sri Lanka)

MAYNILA— Nagtapos ang Filipino na si Jethro Dino Cordero Aquino sa pakikisosyo sa ikalimang puwesto sa pagtatapos nitong Linggo ng 1st SOA International Grandmasters Chess Festival 2024 # Category ‘A’ (1900 & Above).

Tinapos ng 19-anyos na Aquino, incoming freshman student na kumukuha ng Computer Science sa De La Salle University (DLSU) Taft, Manila ang ten-round tournament na may 7.0 points (anim na panalo, dalawang draw at dalawang talo) para makuha ang kanyang unang International Master norm plus isang outright FIDE Master title sa kumpetisyon na ginanap sa SOA Campus 2 sa Bhubaneswar, Odisha, India  mula Enero 28 hanggang Pebrero 4.

Ang mga tagumpay ni Aquino ay laban kina AIM Arnav Dabhade ng India (round 1), Kundu Kaustuv ng India (round 4), CM Vijay Saraogi Vivaan ng India (round 7), Jake Shanty ng India (round eight), GM Jayson Gonzales ng Pilipinas ( round 9) at GM Adham Fawzy ng Egypt (round 10).

Hinati niya ang mga puntos kina FM Arjun Adireddy ng India (round 2) at IM Saha Neelash ng India (round 3).

Siya ay natalo kina GM Sayantan Das ng India (round 5) at IM Semetei Tologon Tegin ng Kyrgyzstan (round 6).

“I would like to dedicate my victory to my countrymen,” said ng Lucena City, Quezon Province resident Aquino, isang online Arena Grandmaster.

Nakuha ni GM Sayantan Das ng India ang korona na may 8.0 puntos na sinundan nina GM Diptayan Ghosh, IMs Sambit Panda at Saha Neelash ng India na may tig-7.5 puntos.

Umiskor sina GM Jayson Gonzales at WGM Janelle Mae Frayna ng Pilipinas ng tig-6.0 puntos para tapusin ang No. 26 at No.27, ayon sa pagkakasunod-sunod sa 96 na entries.

Samantala, si WIM Bernadette Galas (4.5 points) ay napunta sa overall 65th place habang si WIM Jan Jodilyn Fronda (4.0 points) ay tumapos sa 71st place. (MARLON BERNARDINO)