SUGATAN ang tatlo katao kabilang ang isang bombero habang 10 pamilya ang nawalan ng matutuluyan sa sunog na tumupok sa isang commercial-residential area sa Paco, lungsod ng Maynila, nitong Lunes ng madaling araw, 9 Pebrero.
Agad dinala sa pagamutan ang bombero at dalawang residente ng nabanggit na lugar na nasugatan sa insidente.
Sa ulat ng Manila Bureau of Fire Protection, dakong 1:21 ng madaling araw kahapon nang magsimula ang sunog sa ikalawang palapag ng isang two-storey apartment sa kanto ng United Nations Ave. at Tanque St., hanggang madamay ang ilang establisimiyentong katabi ng gusali.
Itinaas sa unang alarma ang sunog bago idineklarang under control dakong 2:18 ng madaling araw hanggang tuluyang maapula bandang 2:48 am.
Ayon sa mga awtoridad, umabot sa 10 pamilya ang apektado sa sunog.
